Се чини дека избувна хаос во Картум, главниот град на Судан, кога воените единици го опколија домот на цивилниот премиер Абдала Хамдок и уапсија неколку членови на неговиот кабинет и најмалку еден близок соработник. Телевизијата Ал Хадат извести изутрината дека Хамдок е ставен во домашен притвор и дека се уапсени неколку членови на кабинетот и близок соработник на Хамдок. Здружението на судански професионалци ги повика граѓаните да излезат на улиците за да „се спротивстават“ на секој воен удар против Суверениот совет на земјата, поддржан од Западот.
Во етнички судир во Судан убиени 83 лица
Постигнат историски мировен договор во Судан
Судан е на кревок пат кон демократијата. Со него управува воено-цивилна влада откако народниот бунт доведе до соборување на војската на долгогодишниот автократ Омар ал-Башир во 2019 година. Сепак, се зголемуваат тензиите меѓу војската и цивилните членови на Суверениот совет. На 23 октомври, специјалниот пратеник на САД за Африканскиот рог Џефри Фелтман ја посети земјата и се состана со воените и цивилните лидери во Картум за да се обиде да ги приближи страните. Владата во Картум, која бара подобри врски со САД и Западот по речиси три децении меѓународна изолација, се соочува со огромни економски и безбедносни предизвици кои се закануваат да ја попречат нејзината транзиција.