Специјалниот пратеник на САД за Западен Балкан Габриел Ескобар изјави дека Заедницата на српски општини (ЗСО) е законска обврска на Косово и дека не може да ја избегне таа одговорност. „ЗСО е меѓународно-правна обврска на Косово, Србија и Европската унија која го водеше процесот, а ние решивме да го поддржиме. Затоа, некоја страна или поединец не може да избега од таа одговорност“, изјави Ескобар за приштинските медиуми.
Шоле: време е да се стави крај на дипломатската стагнација за нормализација меѓу Косово и Србија
Тој додаде дека слушнал многу конструктивни предлози од граѓанското општество, како и истражувачки организации кои предложиле како ЗСО може да функционира без да се загрози функционалноста на Косово или Уставот и законите. „Тоа се партнерите што ќе почнам да ги барам за да ни помогнат да дојдеме до некои идеи и да ги демистифицираме и ублажиме некои од стравувањата што луѓето може да ги имаат за спроведувањето на тој договор“, рече Ескобар.