Со слетувањето на првиот авион на „Туркиш Ерлајнс“ од Истанбул, денеска официјално беше означен почетокот на новата авионска линија кон Охрид.
Летовите на оваа релација ќе се одвиваат четири пати неделно – во понеделник, четврток, петок и недела. За оваа линија, турската авиокомпанија ќе користи авиони од својата флота, меѓу кои „Ербас А321“, „Боинг 737-800“ и „Боинг 737-900“.
Видете и ова: Наместо милијарда евра од туризмот се собираат само трошкиНадлежните очекуваат дека новата авионска врска ќе придонесе за развојот на туризмот, но и ќе има позитивно влијание врз економијата.
Првите патници од Истанбул на охридскиот аеродром беа пречекани од премиерот Христијан Мицкоски, вицепремиерот и министер за транспорт Александар Николоски, како и од директорите на „ТАВ Аеродроми“ и „Туркиш Ерлајнс“, Серкан Каптан и Билал Екси. Присутен беше и турскиот амбасадор во Македонија, Фатих Улусој.