Нафтата и гасот „рипнаа“, европските берзи во пад по ескалација на воениот конфликт
Руското преземање на контрола врз нуклеарната централа во Украина ги бутна цените на акциите на светските берзи. Македонската берза, пак вчера, покажа благо стабилизирање по првичниот шок од воениот конфликт.
Руска компанија прекина снабдување со гас на Германија
Снабдувањето со гас преку рускиот гасовод „Јамал-Европа “ од Русија кон Германија денеска беше стопирано. Понудите на „Гаспром“ за дополнителен транзитен капацитет преку Украина се на високо ниво, покажуваат податоците од операторите на гасоводот. Протоците на гас кон Германија преку мерното место Малноу утрово беа околу 101.119 киловати на час, додека синоќа тие изнесуваа околу 13,5 милиони киловати на час.
НАТО не сака конфликт, но ќе ја брани секоја педа од својата територија
По нападот на руските сили врз украинската нуклеарка Запорожја, шефот на НАТО, Јенс Столтенберг и државниот сектерат на САД Ентони Блинкен, заедно дадоа изјави. Столтенберг побара повлекување на руските трупи, а Блинкен рече дека НАТО не е за конфликт, но дека ќе ја брани својата територија.
ОН отвори истрага за руското кршење на човековите права во Украина
Советот за човекови права на Обединетите нации (УНХЦР) изгласа резолуција со која силно се осудува кршењето на човековите права за време на руските воени дејствија во Украина и се формира истражна комисија која ќе ги истражи наводите. На гласањето на 4-ти март 32 членови гласаа за, а 13 беа воздржани. Само Русија и Еритреја гласаа против од вкупно 47-членови.