На денешната средба во министерството за одбрана уште еднаш беше потврдено традиционалното пријателство меѓу Македонија и Турција и нагласено дека Турција останува партнер кој силно помага во капацитетите на АРМ и на патот на земјава во НАТО.
Денеска потпишаниот договор за воено техничка соработка од страна на турскиот министер Веџди Ѓонул и неговиот македонски колега Зоран Коњановски претставува чекор напред во воспоставувањето на нови соработки, било за воена соработка или друга област, беше истакнто на средбата. Турскиот министер рече и дека соработката ќе биде зацврстена и во одбранбената индустрија и дека неговата земја е подготвена да го сподели искуството на тоа поле. Потсетувајќи дека Турција е прва земја што ја призна независноста на Македонија во 1992 година, рече дека признавањето било под нејзиното илјадагодишно историско име, а не под некоја кратенка.
Последен пат турскиот министер беше во Македонија во 2004 година.
Коњановски го нагласи партнерството со Турција во одбраната потсетувајќи дека повеќе од 16 милиони долари е помошта што Турција ја има дадено на нашето министерство. Коњановски рече дека патот кон НАТО продолжува и дека на тој пат и натаму ќе ни бидат потребни пријатели како што е Турција. Македонскиот и турскиот министер се согласија дека покрај географската одалеченост на нивните земји, народите се чувствуваат како најблиски соседи. Ѓонул ја нагласи и важноста на учеството на наши војници во странски мисии како во Авганистан, а Коњановски дека како резултат на соработката во одбраната која почна во 1993 година, денеска е изградена респектибилна армија.
Министерот Ѓонул во рамки на својата посета беше примен и од страна на претседател Ѓорге Иванов, а ќе биде примен и од премиерот Никола Груевски. Тој ќе го посети техничко ремонтниот центар каде што ќе се одржи примопредавање на донација од Турција за потребите на АРМ.
Денеска потпишаниот договор за воено техничка соработка од страна на турскиот министер Веџди Ѓонул и неговиот македонски колега Зоран Коњановски претставува чекор напред во воспоставувањето на нови соработки, било за воена соработка или друга област, беше истакнто на средбата. Турскиот министер рече и дека соработката ќе биде зацврстена и во одбранбената индустрија и дека неговата земја е подготвена да го сподели искуството на тоа поле. Потсетувајќи дека Турција е прва земја што ја призна независноста на Македонија во 1992 година, рече дека признавањето било под нејзиното илјадагодишно историско име, а не под некоја кратенка.
Последен пат турскиот министер беше во Македонија во 2004 година.
Коњановски го нагласи партнерството со Турција во одбраната потсетувајќи дека повеќе од 16 милиони долари е помошта што Турција ја има дадено на нашето министерство. Коњановски рече дека патот кон НАТО продолжува и дека на тој пат и натаму ќе ни бидат потребни пријатели како што е Турција. Македонскиот и турскиот министер се согласија дека покрај географската одалеченост на нивните земји, народите се чувствуваат како најблиски соседи. Ѓонул ја нагласи и важноста на учеството на наши војници во странски мисии како во Авганистан, а Коњановски дека како резултат на соработката во одбраната која почна во 1993 година, денеска е изградена респектибилна армија.
Министерот Ѓонул во рамки на својата посета беше примен и од страна на претседател Ѓорге Иванов, а ќе биде примен и од премиерот Никола Груевски. Тој ќе го посети техничко ремонтниот центар каде што ќе се одржи примопредавање на донација од Турција за потребите на АРМ.
