Работнички 1 Мај: Протестираме за плата

Сојузот на синдикати на Македонија денеска го одбележа Меѓународниот ден на трудот 1 Мај со синдикален протест, барајќи повисоки плати и подобри услови за работа. Протестот почна во 11 часот од пред Работничкиот дом и продолжи до Собранието и пред Владата, со барања за зголемување на минималната плата на најмалку 500 евра и зголемување на сите останати плати за 100 евра, почитување на колективните договори и зголемување на платите на вработените согласно придобивките од тие договори.