Дали привршува судскиот процес за воени злосторства против Хашим Тачи?

По повеќе од две години сослушување и сведочење на 125 сведоци, обвинителите во специјалниот косовски суд во Хаг, се очекува да го завршат случајот против поранешниот косовски претседател Хашим Тачи. Тој и уште тројца поранешни водачи на Ослободителната војска на Косово (ОВК) се обвинети за воени злосторства и злосторства против човештвото за време на војната за независност на Косово во периодот 1998-1999 година.